Reshjet e mëdha të shiut, disa rrugë në Prishtinë bëhen të pakalueshme

Në shumë qytete të Kosovës reshjet e dendura të shiut kanë shkaktuar probleme në rrugë, veçmas kryeqytetit, duke i bërë ato të pakalueshme, përcjell albinfo.ch.

Sipas disa fotografive të publikuara nëpër rrjete sociale, shihet se rrugët janë vështirë të kalueshme nga grumbullimi i ujit pas të reshurave, saktësisht në rrugën “Muharrem Fejza”, në Prishtinë.

Disa qytetarë kanë raportuar se në lagjet e tyre rrugët janë vështirë të kalueshme si pasojë e të reshurave të vazhdueshme të shiut.

Ndryshe, Besim Aliu, nga Instituti Hidrometeorologjik i Kosovës (IHMK) në një prononcim për Telegrafin ka thënë se sot në vendin tonë do të jetë mot i vranët dhe me intervale të kohëpaskohshme të diellit, të cilat do të përcillen me reshje shiu si dhe shkarkime rrufesh.

FOTO _ VIDEO