Gjermania nuk e konsideron Kosovën zonë rreziku për COVID-19

(KEYSTONE/DPA/Boris Roessler)

Instituti Robert Koch në Gjermani ka bërë një sërë ndryshimesh në listën e vendeve me rrezik për shkak të virusit COVID-19. Paralajmërimet hiqen për Kosovën dhe disa shtete të tjera.

Siç raporton DW, Armenia, Azerbajxhani, Bosnjë e Hercegovina, Kosova, Libani, Moldavia, Mali i Zi, Maqedonia e Veriut, Serbia, Qipro dhe Ukraina janë hequr nga lista e zonave të rrezikut.

Kjo vlen edhe për dy rajone në Norvegji dhe ishullin Madeira në Portugali. Kushdo që vjen në Gjermani nga këto zona nga toka në të ardhmen nuk duhet të respektojë më asnjë kufizim hyrjeje për shkak të Coronavirusit. Për të gjitha këto vende dhe rajone, Ministria e Jashtme gjermane nuk bën më paralajmërim për udhëtimet.

SHBA dhe Kanada gjithashtu që nga e diela nuk janë më zona rreziku. Megjithatë, në këto dy shtete ekziston ende ndalimi i hyrjes për gjermanët që nuk jetojnë atje.

Për shkak të numrit në rënie të infektimeve me Coronavirusit, qeveria federale heq nga lista e shteteve zona rreziku edhe të gjithë Austrinë dhe pjesë të Greqisë, Kroacisë dhe Zvicrës. Kjo u njoftua nga Instituti Robert Koch (RKI).  BE po punon për një “frenë emergjence” nëse situata përkeqësohet përsëri. /dw