Tematike
Si po rrjedh procesi i vaksinimit të shqiptarëve në kantonet frankofone
Të gjithë kantonet frankofone tani kanë filluar vaksinimin edhe për të rinjtë nga mosha 16 vjeç, që të luftojnë kundër Coronavirusit dhe sëmundjeve tjera
Në javët e fundit, në një kohë kur në gjithë Zvicrën ka një intensifikim të procesit të vaksinimit, edhe në Zvicrën romande vaksinimi ka marrë hov. Të kujtojmë: Kantoni i Gjenevës, Fribourgut, Neuchâtel dhe ai Valisit kanë filluar fushatat e tyre të vaksinimit më 28 dhjetor, kantoni i Vaud-it më 30 dhjetor dhe Jura, më 4 janar.
Të gjithë kantonet frankofone tani kanë filluar vaksinimin edhe për të rinjtë nga mosha 16 vjeç, që të luftojnë kundër Coronavirusit dhe sëmundjeve tjera, shkruan albinfo.ch.
Cilat vaksina përdoren në Zvicër?
Swissmedic e ka autorizuar vaksinën RNA nga Pfizer-BioNTech më 19 dhjetor 2020, me emrin Comirnaty dhe atë të Moderna, më 9 Janar 2021. Këto janë dy vaksinat e vetme Covid-19 që janë lejuar të përdoren në Zvicër deri më tani.
Por shqiptarët të cilët janë pa dokumentacion (në të zezën) dhe ata të cilët nuk kanë sigurim shëndetësor, Federata Zvicerane e Shëndetit ka lejuar të vaksinohen duke e marrë përsipër pagesën e vaksinimit.
Kështu, në Gjenevë, Kryqi i Kuq i Gjenevës ka ofruar një shërbim të regjistrimit të vaksinimit për shqiptarët pa dokumenta që nga 10 maji. Kushti i vetëm është që ata të jenë në gjendje të vërtetojnë se kanë qëndruar në kanton për më shumë se 3 muaj (lidhja). https://asile.ch/wp-content/uploads/2021/05/CRG_Vaccination_flyer.pdf
Në kantonin Vaud, qendra e vaksinimit Unisanté ka hapur një kanal specifik për të akomoduar njerëzit pa dokumenta, pa takim (nga e hëna deri të shtunën, nga ora 8 në mëngjes deri në orën 11:30).
Shqiptarët e pastrehë, që nuk kanë adresë fikse të banimit, mund të drejtohen në L’Espace në Lozanë, La Lucarne në Yverdon-les-Bains si dhe në qendrën e pritjes me prag të ulët të Fondacionit AACTS në Vevey ku do të vaksinohen në vend, nga ekipet mobile.
Informacioni është shpërndarë në rreth tridhjetë shoqata në kontakt me popullatën.
Një pjesë e popullatës shqiptare në Lozanë nuk është ende e bindur që vaksinat kundër Covid-19 do të jenë efikase, e disa të tjerë nuk ndihen të sigurt. Një pjesë e tyre mendojnë që Covidi është vetëm një grip sezonal, kurse disa të tjerë thonë: “Covid-19 është vetëm një politik ekonomike, shkruan albinfo.ch. Nëse do të na detyrojë Zvicra vaksinën, atëherë do vaksinohemi sepse nuk do të kemi rrugëdalje tjetër për shkak të udhëtimit”, thonë ata për albinfo.ch. “Patjetër që duhet të vaksinohemi, vetëm kështu mundemi të luftojmë Covidin”, thonë disa të tjerë.
Megjithatë, shumica e komunitetit shqiptar të kantonit VAUD shprehin interesim për t`u vaksinuar. Shumë prej tyre tashmë kanë caktuar takimet, disa të tjerë janë vaksinuar me dozën e parë e presin takimet e tyre në qendra që të përfundojnë dozën e dytë.
Zamira Bytyçi
Të ngjashme
Të tjera nga Tematike
E-Diaspora
-
Komuniteti Musliman Shqiptar në Zvicër uron festën e Kurban-Bajramit Urimi për festën e Kurban-Bajramit 2024...
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
-
Dietikon (ZH): Zamfina Rexhaj prezanton librin e saj mbi luftën në Kosovë
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë