Transporti publik rajonal është i përpiktë në Zvicër

Transporti rajonal konsiderohet i përpiktë nëse arrin në destinacionin e tij me më pak se tre minuta vonesë.

Sipas raportit të fundit, thuhet se transporti publik rajonal në Zvicër është i përpiktë në kohë, transmeton albinfo.ch.

Trenat dhe autobusët rajonalë që lëvizin në gjithë Zvicrën janë përgjithësisht në gjendje të mirë dhe lëvizin me kohë, sipas një raporti të ri nga Zyra Federale e Transportit (FOT).

Transporti rajonal konsiderohet i përpiktë nëse arrin në destinacionin e tij me më pak se tre minuta vonesë. Në këtë drejtim, trenat janë më efikasë se autobusët, me rreth 95 për qind mesatarisht që mbërrijnë në kohë në destinacionin e tyre.

Sidoqoftë, trenat e drejtpërdrejtë të tipit RegioExpress dhe Interregio, janë më të saktë se trenat që shërbejnë në zonat urbane (RER / S-Bahn) dhe ata që ofrojnë lidhje me malet dhe fshatrat, shkruan Thelocal.

Sa u përket autobusëve rajonalë, rreth 90 për qind janë të përpiktë. Në këtë sektor, transporti në fshat dhe në male merr rezultate më të mira sesa në zonat urbane, zbuloi studimi. /Albinfo.ch

---