Lajme
Në qershor pritet që Biden të takohet me Putinin
Në një deklaratë për mediat amerikane, presidenti i Shteteve të Bashkuara, Joe Biden, ka thënë se beson që do të takohet në qershor me homologun e tij rus, Vladimir Putin, ndërsa po punohet për caktimin e kohës dhe vendit për samitin e propozuar prej tij, përcjell albinfo.ch.
“Kam besim se do të arrijmë ta bëjmë këtë. Nuk kemi ndonjë vend apo kohë të saktë. Për këtë është duke u punuar”, tha shefi i Shtëpisë së Bardhë të premten, kur u pyet për takimin me Putinin në qershor, gjatë udhëtimit të tij të planifikuar nëpër Evropë.
Po ashtu presidenti amerikan tha se grumbullimi masiv i trupave ruse afër kufirit me Ukrainën dhe në Krimenë e aneksuar nuk ndikon në dëshirën e tij që të ketë takim kokë më kokë me Putinin, shkruan Free Europe.
Në muajin prill, Joe Biden e ofroi mundësinë e takimit me Putinin në një shtet të tretë për të diskutuar rreth tensioneve në rritje për disa çështje, përfshirë kërcënimet ushtarake në Ukrainë, sulmet kibernetike dhe trajtimin e opozitarit rus, Aleksei Navalny.
Përpjekjet për organizimin e takimit të nivelit të lartë i ka konfikuar edhe Moska zyrtare. Ndihmësi kryesor i Vladimir Putinit për politikë të jashtme, Yury Ushakov, më 25 prill ka deklaruar se kanë filluar planet për takim kokë më kokë mes dy presidentëve. “Po përmendet qershori, madje ka edhe data konkrete”, tha ai para gati dy javësh.
Ndonëse presidenti Biden vazhdimisht ka thënë se do të mbajë qëndrime të ashpra ndaj Rusisë sa u përket politikave armiqësore, ai gjithashtu ka bërë të ditur se po përpiqet të krijojë bashkëpunim mes dy palëve në fushat ku ekziston interesi i përbashkët. Këtu përfshihen ndryshimet klimatike, Koreja Veriore, paqja në Afganistan dhe marrëveshja bërthamore me Iranin.
Të ngjashme
Të tjera nga Lajme
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?