S’ka më vaksinime në Prishtinë, u shpenzuan dozat

@pixabay

Ministria e Shëndetësisë i njofton qytetarët në komunën e Prishtinës se në Qendrën e vaksinimit te salla “1 Tetori” në Prishtinë nuk do të ketë vaksinime kundër COVID-19 gjatë ditëve të fundjavës dhe në ditët në vijim.

Ko për shkak  se dozat e parapara për vaksinim në këtë qendër të vaksinimit janë dhënë që të gjitha.

Vaksinimi në këtë qendër do të fillojë kur të arrijnë doza të tjera, derisa në ato komuna (QKMF) ku ka ende doza të paadministruara, vaksinimi do të vazhdojë ditët në vijim, deri në dhënien e të gjitha dozave në dispozicion.

Deri tani, me dozën e parë të vaksinës AstraZeneca janë vaksinuar 22.096 persona, nga 24 000 dozat e para të marra përmes mekanizimit COVAX.