Landet gjermane të goditura nga Covid-i bëjnë thirrje për bllokim kombëtar

Kryeministri konservator i Bavarisë, Markus Söder dhe kreu i Baden-Württemberg, Winfried Kretschmann, thanë se situata ishte "më e rëndë nga sa besojnë"

Udhëheqësit e dy landeve (njësive federale) gjermane të goditur keq nga një valë e tretë e koronavirusit kanë kërkuar që pjesa tjetër e vendit të rivendosë një bllokim të ashpër për të ulur normat e infeksionit, pasi një virolog kryesor tha se Gjermania ishte në një fazë “serioze dhe të komplikuar” të pandemisë.

Në një letër të përbashkët të raportuar nga gazeta Süddeutsche Zeitung, Kryeministri konservator i Bavarisë, Markus Söder dhe kreu i Baden-Württemberg, Winfried Kretschmann, thanë se situata ishte “më e rëndë nga sa besojnë”.

“Kjo është arsyeja pse ne duhet të mbajmë lart përgjegjësinë tonë tani dhe të mos e diskutojmë më atë,” thanë dy politikanët, në një goditje të dukshme drejtuar liderëve të tjerë të shtetit që shiheshin si hezitues për të zbatuar një ndërprerje emergjente për lehtësimin e kufizimeve, shkruan “TheGuardian”, përcjell albinfo.ch

---