Lajme

OBSH-ja përsërit: Vaksina e “AstraZenecas” është e sigurt

E mërkurë, 31 Mars 2021 - 19:00 albinfo.ch
Keystone 2020

Një panel ekspertësh i Organizatës Botërore të Shëndetësisë ka thënë të mërkurën se vaksina e “AstraZenecas” kundër koronavirusit është e sigurt, një ditë pasi autoritetet në Gjermani kufizuan përdorimin e saj për njerëzit nën 60-vjeç për shkak të shqetësimeve për mpiksje të gjakut te një grup njerëzish.

Drejtoresha e Departamentit për Imunizim e Vaksina, Kate O’Brien, ka thënë se “ishte e qartë” që vlerësimi i përgjithshëm mbi vaksinën peshon kah të mirat që ajo sjell.

O’Brien i bëri këto deklarime në Grupin e Ekspertëve Këshillues të OBSH-së për imunizim, ku u prezantuan gjetjet me fokus në statusin e vaksinave për COVID-19, Ebolas dhe sëmundjeve të tjera.

Alejandro Cravioto, që është shef i panelit të ekspertëve të OBSH-së për imunizim, ka thënë se dy vaksinat kineze, “Sinovac” dhe “Sinopharm”, deri tani kanë dëshmuar “nivel të efikasitetit që do të përshtatej me kërkesat e OBSH-së”.

 Të ngjashme

OBSH: Rastet me COVID-19 janë trefishuar në të gjithë Evropën

 Të tjera nga Lajme

Samiti i Diasporës Shqiptare rikthehet me edicionin e katërt

 E-Diaspora

 Jeta në Austri