Lajme
‘Sputnik V’ do të prodhohet në Itali, deri në fund të vitit synohen 10 milionë doza
Procesi i vaksinimit është shndërruar në çështjen kryesore të shumë shteteve evropiane, të cilat po përballen edhe me kompanitë farmaceutike që herë pas here kanë njoftuar se do të ketë vonesa në furnizim.
Në përpjekje për të mbushur boshllëqet Dhoma italo-ruse e Tregtisë bëri me dije se autoritetet ruse dhe kompania ‘Adienne Pharma & Biotech’ me qendër në Zvicër kanë nënshkruar një marrëveshje për të prodhuar vaksinën ‘Sputnik V’ të Rusisë në Itali, duke shënuar marrëveshjen e parë evropiane të prodhimit për vaksinën ruse.
Sipas të dhënave të para, prodhimi i vaksinës ruse në Itali pritet të nisë në qershor dhe deri më fund të vitit shpresohet të prodhohen 10 milionë doza të ‘Sputnik V’, transmeton Euronews, përcjell Albinfo.ch.
Agjencia Evropiane e Barnave më 4 mars njoftoi se kanë filluar shqyrtimin e vaksinës ‘Sputnik V’, e cila sipas revistës mjekësore ‘Lancet’, bazuar në testet klinike, ka shfaqur 91.6 % efikasitet kundër Covid-19.
Në një kohë kur Italia ka kaluar kuotën e 100 mijë vdekjeve si pasojë e COVID-it, kryeministri Mario Draghi ka deklaruar se vetëm përshpejtimi i procesit të vaksinimit i jep fund krizës së koronavirusit.
Për këtë arsye, Draghi ka rritur presionin ndaj kompanive farmaceutike që të respektojnë kontratat.
Më herët kryeministri italian bllokoi eksportin drejt Australisë të vaksinës së ‘AstraZeneca’, pasi kompania uli ndjeshëm dërgesat e planifikuara për në Bashkimin Evropian. Kujtojmë se Italia synon të prodhojë vaksinën e saj ‘Reithera’, provat klinike të së cilës kanë nisur.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri