Lajme
Fauci: Politika ndikoi në gjendjen e pandemisë
"Pandemia mbërriti në Shtetet e Bashkuara ndërsa vendi ishte nën mëshirën e ndarjeve politike, ku edhe vënia e një maske ishte më tepër një deklaratë politike sesa një masë e shëndetit publik"
Dr. Anthony Fauci, eksperti kryesor i sëmundjeve infektive të vendit, tha se përçarja politike kontribuoi në mënyrë të konsiderueshme në numrin e madh të të vdekurve nga COVID-19 në SHBA, i cili të hënën kaloi shifrën 500,000.
Në një intervistë me Reuters, Dr. Fauci tha të hënën se pandemia mbërriti në Shtetet e Bashkuara ndërsa vendi ishte nën mëshirën e ndarjeve politike, ku edhe vënia e një maske ishte më tepër një deklaratë politike sesa një masë e shëndetit publik.
“Edhe në rrethanat më të mira, ky do të kishte qenë një problem shumë serioz,” tha Dr. Fauci, duke theksuar se megjithë respektimin e fortë të masave të shëndetit publik, vendeve të tilla si Gjermania dhe Britania e Madhe iu desh të përballeshin me vështirësi për të luftuar virusin.
“Megjithatë, kjo nuk e shpjegon se si një vend i pasur dhe i sofistikuar mund të ketë përqindjen më të madhe të vdekjeve dhe të jetë vendi më i goditur në botë”, tha Dr. Fauci, drejtor i Institutit Kombëtar të Alergjisë dhe Sëmundjeve Infektive dhe këshilltar i lartë i Presidenti Joe Biden. “Kjo besoj se nuk duhet të kishte ndodhur”, tha ai.
Edhe pse Shtetet e Bashkuara kanë vetëm 4% të popullsisë së botës, ato kanë regjistruar gati 20% të të gjitha vdekjeve nga COVID-19.
Dr. Fauci tha se shfaqja e varianteve më ngjitëse të koronavirusit, veçanërisht ato nga Afrika e Jugut dhe Brazili që kanë treguar se e ulin imunitetin nga infeksionet natyrore dhe vaksinat, e kanë bërë të vështirë parashikimin se kur Shtetet e Bashkuara do të jenë në gjendje ta kapërcejnë pandeminë.
Dr. Fauci dhe Presidenti Biden kanë thënë se Shtetet e Bashkuara duhet të rikthehen në pothuajse jetën normale të para-pandemisë rreth periudhës së Krishtlindjes. Por Dr. Fauci paralajmëroi se kjo mund të ndryshojë.
Variantet e ndryshme të koronavirusit gjithashtu e ndryshojnë ekuacionin kur bëhet fjalë për imunitetin e turmës, në të cilën një popullatë mbrohet nga infeksioni për shkak të niveleve të larta të imunitetit nga vaksinat ose infeksionet.
I pyetur nëse kjo është ende e arritshme, Dr. Fauci tha: “Unë mendoj se ne mund të fitojmë imunitetin e turmës të paktën duke mos u sëmurur.”/VoA
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?