Lajme
Rashica pritet të largohet nga Werderi në fund të sezonit
Menaxheri i Milot Rashicës, Altin Lala, në një intervistë për KosovaPress, ka folur për të ardhmen e mesfushorit kosovar, i cili aktualisht luan për skuadrën gjermane Werder Bremen dhe ka zbuluar se ai pritet që në fund të këtij sezoni të ndryshojë skuadër.
Këto komente Lala i bëri pas ndeshjes miqësore ndërmjet veteranëve të Kosovës dhe atyre të Shqipërisë e zhvilluar për nder të përvjetorit të 13-të të Pavarësisë së Kosovës, përcjell Albinfo.ch.
Lala tha se janë lëndimet ato që e kanë penguar Rashican që të tregojë më të mirën e tij në këtë sezon por që tashmë i ka tejkaluar ato dhe se ai po i rikthehet formës së tij më të mirë.
Lala: Me shumë gjasa Rashica në fund të sezonit do të ndryshojë skuadër
“Për fatin e keq ka pasur dy lëndime, një në fillim të sezonit dhe një para se të përfundojë faza e parë dhe ai tashmë është rikthyer në formën e tij të mirë dhe në lojën e fundit ishte lojtari më i mirë. Shpresoj që të vazhdojë në këto hapa dhe pastaj deri në fund të sezonit të zhvillojë lojë të mira. Unë mendoj që në fund të këtij sezoni me shumë gjasa do të ndryshojë skuadër” tha Lala.
Në lidhje me atë se cilat janë skuadrat që kanë shprehur interesim për shërbimet e Rashicas, Lala nuk ka dashur të përmend emra, duke thënë se është ende herët dhe se kjo do të kuptohet në kohën e duhur.
Lala: Është herët të flasim për skuadrat e interesuara për Rashicën
“Për momentin akoma se është herët por do t’ia lëmë kohës dhe ndeshjeve të ardhshme që edhe njëherë shpresoj që aty të shënojë dhe të aktivizohet sa më shumë dhe kualitetet e tij dihen. vetëm tani duhet me dhënë dhe në fushë dhe pastaj çdo gjë është e hapur”, deklaroi Lala.
Mediat gjermane kohëve të fundit kanë raportuar se për Milot Rashicën kanë shprehur interesim Aston Villa dhe gjiganti italian, Milani.
E-Diaspora
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë Kryeministri Edi Rama ka kujtuar sërish bashkatdhetarët në Greqi se me 12 maj do të jetë...
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm për piano nga Kosti Deti
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte