Lajme
Shqipëri: 280 milionë euro më pak në arkën e shtetit
Pandemia ka ushtruar një presion të madh në akrën e shtetit gjatë vitit të kaluar, pasi të ardhurat kanë parë një tkurrje të fortë si pasojë e krizës.
Të dhënat e Ministrisë së Financave tregojnë se arkëtimet arritën në 425.6 miliardë lekë në fund të dhjetorit, në rënie me rreth 34.7 miliardë lekë apo 280 milionë euro më pak se më 2019, raporton TCh, përcjell Albinfo.ch.
Humbjet më të mëdha janë shënuar në të ardhurat tatimore, kryesisht në zërin e tatimit mbi të ardhurat personale me 12.4 miliardë lekë më pak të arkëtuara, tatimi mbi fitimin me -8.1 miliardë lekë si dhe TVSH-ja.
Kjo rënie e thellë lidhet kryesisht me shifrën e lartë të vendeve të humbura të punës si dhe shtyrjes së pagesës së taksave apo zerimin e tyre për bizneset, veçanërisht gjatë periudhës së karantinës, ku u detyruan të pezullojnë aktivitetin.
Ndryshe nga të ardhurat, shpenzimet nga ana tjetër kanë ndjekur një trend në rritje, pasi në fund të 2020-ës arritën në 536.3 miliardë lekë, apo rreth 44.5 miliardë lekë më shumë se 2019.
Kjo fryrje e shpenzimeve reflekton rritjen e tyre në ndihmë të bizneseve dhe individëve të prekur më rëndë nga pandemia përmes dy paketave financiare të akorduara një vit më parë.
Kjo disbalancë mes të ardhurave në rënie dhe shpenzimeve në rritje ka rritur ndjeshëm edhe nivelin e deficitit buxhetor, duke e çuar atë në 110.6 miliardë lekë, apo rreth 638 milionë euro.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?