Lajme

Kosovë: Pandemia ul numrin e lindjeve

E shtunë, 6 Shkurt 2021 - 21:10 albinfo.ch

Foto ilustrim (Keystone)

Në vitin 2020, në Klinikën Gjinekologjike në Qendrën Klinike Universitare të Kosovës, pati më pak lindje sesa në vitin 2019.

Frika nga pasojat që mund të sillte ky virus bëri që çiftet të kenë një qasje frenuese në planifikimin familjar.

Nga marsi kur u konfirmua rasti i parë me virus, deri në dhjetor të vitit të kaluar, 91 gra shtatzëna janë infektuar me Covid-19, ku nuk munguan edhe fatalitetet, raporton Euronews përcjell Albinfo.ch.

Gjatë kësaj periudhe, u regjistruan 8.465 lindje ose 996 më pak sesa në vitin 2019.

“Numri i përgjithshëm i lindjeve deri në gjysmën e dhjetorit është 8465 lindje. Në vitin 2019 i kemi pasur 9 mijë e 461 lindje”, u shpreh Jakup Ismajli, drejtor i Klinikës së Gjinekologjisë në QKUK.