Lajme
Eksperti zviceran: Virusi britanik, jo aq i rrezikshëm, e kanë dramatizuar
"Rreziku duhet marrë seriozisht, por ai megjithatë është mbi-dramatizuar", ka thënë të enjten mjeku i kantonit të Bazelit Thomas Steffen
Mjeku i kantonit të Bazelit Thomas Steffen tërheq vërejtjen kundër “skenarëve të tmerrit” që propagohen lidhur me mutacionin e ri të virusit. Ky variant, sipas një studimi të ri nga Universiteti i Oksfordit nuk është aq ngjitës sa mendohej, shkruan gazeta Tages Anzeiger.
Por, në Zvicër ekziston tashmë një frikë nga virusi i mutuar. Testet masive në St. Moritz dhe në një shkollë fillore në Basel, e cila tani po kalon edhe në mësimin në distancë (online), janë vetëm pak nga treguesit e kësaj frike.
Aty ku zbulohet mutacioni i koronavirusit nga MB, bëhet çdo përpjekje për të izoluar rastet dhe për të ndaluar përhapjen e mëtejshme të mutacionit b117. Këshilli Federal madje ka justifikuar nevojën për masat e reja që kanë hyrë në fuqi që nga e hëna, pikërisht duke u mbështetur në rrezikun nga “varianti shumë ngjitës” i virusit.
“Rreziku duhet marrë seriozisht, por ai megjithatë është mbi-dramatizuar”, ka thënë të enjten mjeku i kantonit të Bazelit Thomas Steffen në “Tages Anzeiger”.
Specialisti i mjekësisë parandaluese konsideron se numri i rasteve do të vazhdojë të bjerë në javët e ardhshme, që do të thotë se virusi i mutuar vështirë se do të arrijë masën kritike të nevojshme për të ngarkuar sistemin e kujdesit shëndetësor deri në kufijtë e tij të kapacitetit, transmeton albinfo.ch. Alarmizmi nuk ka vend këtu!
“Kjo mund të shkaktojë lodhje tek njerëzit, gjë që provokon tension të padëshiruar dhe kundër-reagime”, paralajmëron Steffen.
Inkurajim, edhe nga Anglia
Në fakt, numrat më të fundit të infeksioneve nga Anglia janë inkurajues. Po ashtu, një studim i ri nga Universiteti i Oksfordit, i cili ka bërë për herë të parë vlerësimin e të dhënave PCR , arrin në përfundimin se varianti i ri ka më shumë gjasa të jetë 35 për qind më ngjitës (se “i vjetri”) sesa 70 për qind, siç ishte paralajmëruar fillimisht.
Steffen nuk vë në dyshim shtrëngimin e masave, të vendosur pak ditë më parë nga Këshilli Federal, por thotë se mungon klasifikimi në komunikimin me autoritetet, përcjell albinfo.ch. Ai vetë është “optimist i matur”.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj