Merkel synon mbyllje më të rreptë në Gjermani

KEYSTONE/EPA/JOHN THYS / POOL

Të enjten, Kancelarja Angela Merkel (CDU) mbrojti bllokimin e zgjeruar dhe më të rreptë të Gjermanisë, duke theksuar se tani është koha për të ndërmarrë veprime, përcjell albinfo.ch.

Pamja aktuale se si Gjermania po përballet me pandeminë është shumë e përzier, tha ajo në një konferencë shtypi në Berlin të enjten. Nga njëra anë, infeksionet e reja përfundimisht po zvogëloheshin, duke arritur nivelin më të ulët që kur masat e bllokimit u futën për herë të parë në fillim të nëntorit.

“Kjo tregon se masat e vështira me të cilat njerëzit në Gjermani janë dashur t’i përfillin me javë të tëra kanë filluar të kenë ndikim. Dhe, në thelb kjo tregon se përpjekja ia vlen”, tha Merkel.

Por, në të njëjtën kohë, tha ajo, numri i përditshëm i të vdekurve është jashtëzakonisht i lartë.

“Këto nuk janë vetëm numra, këta janë njerëz që kanë vdekur në vetmi, këto janë fate, këto janë familje që i vajtojnë”, vazhdoi Kancelarja.

Të martën, Gjermania zgjati dhe shtrëngoi një mbyllje në vend që nga 1 nëntori, duke vendosur gjithashtu masa të tilla, si veshja e detyrueshme e maskave në transportin publik, përcjell tutje albinfo.ch.