Vazhdon trendi i uljes: 2260 infeksione dhe 75 vdekje nga Covid-19 në Zvicër

Mesatarja e 7 ditëve është kështu 2163 ose 31 për qind më pak se në javën e kaluar, shkruan srf.ch

Zyra Federale e Shëndetit Publik ka raportuar këtë pasdite 2,260 raste të reja që kishin rezultuar pozitive për virusin corona në 24 orët e fundit. Mesatarja e 7 ditëve është kështu 2163 ose 31 për qind më pak se në javën e kaluar, shkruan srf.ch

Trendi aktualisht është në rënie.

Shkalla mesatare e rasteve të rezultuara pozitive në 7 ditët e fundit është 11.8 për qind, transmeton albinfo.ch. Krahasuar me javën e kaluar, norma pozitive është ulur për 3 pikë përqindje.

Mesatarja 7-ditore e numrit të testimeve të kryera është 21,248 teste në ditë, duke rënë për 13 për qind krahasuar me javën e mëparshme.

BAG raporton 75 raste vdekjesh brenda ditës së fundit. Mesatarja 7 ditore është 43 të vdekur që është 17 për qind më pak se në javën e kaluar.

Aktualisht BAG raporton 1982 persona që janë duke u trajtuar në  spitale për Covid-19. Kjo është 18 për qind më pak se në javën e kaluar.

Shtretërit e kujdesit intensiv të certifikuar në spitalet zvicerane janë aktualisht 84.0 përqind të zëna, përcjell albinfo.ch. Ndërsa nëse llogariten edhe  shtretërit ad-hoc, niveli i shfrytëzimit është 73.0 për qind.

---