Qeveria Zvicerane vendosi: Ashpërsohen më tej masat ndaj koronavirusit

Në konferencën për media që po mbahet në Bernë po marrin pjesë: Presidenti Federal Guy Parmelin, Ministri Federal që mbulon shëndetësinë, Alain Berset, Ministri i financave, Ueli Maurer etj.

Këshilli Federal në konferencën për media që filloi në orën 15.00 po paraqet vendimet e tij të shumëpritura për masat e reja, të ashpërsuara ndaj koronavirusit. Arsyeja e ashpërsimit është varianti i mutuar i virusit nga Britania e Madhe. Meqenëse ky variant i virusit është më ngjitës se ai i njohuri, Zvicra kërcënohet nga një rritje e madhe e numrit të rasteve. 

Këto janë masat e ndërmarra që posa u kumtuan në këtë konferencë e cila është duke vazhduar:

• Masat e vendosura në dhjetor do të zgjaten për pesë javë të tjera. Ato hyjnë në fuqi nga 18 janari.
• Restorantet si dhe objektet kulturore, sportive si dhe ato të kohës së lirë do të mbeten të mbyllura deri në fund të shkurtit.
• Dyqanet dhe tregjet do të mbyllen nga e hëna, 18 janar. Dyqanet dhe tregjet që ofrojnë mallra për përdorim të përditshëm përjashtohen nga ky vendim, dmth do të vazhdojnë punën, shkruan albinfo.ch. Do të vazhdijë të jetë gjithashtu e mundur blerja me porosi.
• Rregullorja që dyqanet, dyqanet e karburanteve dhe kioskat duhet të qëndrojnë të mbyllura pas orës 19:00 dhe të dielave, hiqet.
• Në akivitete private mund të marrin pjesë maksimalisht  pesë persona. Fëmijët llogariten gjithashtu në këtë numër.
• Tubimet në hapësirat publike janë gjithashtu kufizohen në pesë persona.
• Punëdhënësit janë të detyruar të rregullojnë punën nga shtëpia (Home Office) kudo që është e mundur për shkak të natyrës së aktivitetit dhe aty ku mund të zbatohet ajo me përpjekje normale. Kur puna nga shtëpia nuk është e mundur ose vetëm pjesërisht e mundur, merren masa të mëtejshme në vendin e punës: Për të mbrojtur punonjësit brenda vendit të punës, kërkohet vënia e maskës kudo që në një dhommë ndodhet më shumë se një person, përcjell albinfo.ch. komu ikatën e Qeverisë Federale.
• Mbajtja e distancës midis vendeve të punës në të njëjtën dhomë nuk është më e mjaftueshme. Për më tepër, heqja nga detyrimi për të mbajtur maskë specifikohet më saktësisht me kërkesën e Konferencës së Drejtorëve të Shëndetit dhe bazuar në përvojën që po zbatohet kërkohet një vërtetim mjekësor nga një mjek ose psikoterapist për të dëshmuar arsyet mjekësore; një certifikatë mjekësore mund të lëshohet vetëm nëse kjo tregohet për personin në fjalë.
• Njerëzit në rrezik të veçantë mbrohen në mënyrë specifike. Për këtë qëllim, prezantohet e drejta për të punuar nga shtëpia ose mbrojtje ekuivalente në punë apo edhe pushimi për njerëz veçanërisht të lëndueshëm.
• Për personat në rrezik në profesionet në të cilat nuk mund të zbatohen dispozitat mbrojtëse , punëdhënësi duhet të lirojë punonjësit në fjalë nga detyrimi i tyre i punës me paga të plota, transmeton albinfo.ch. Në këto raste, ka ekziston e drejta për kompensim të të ardhurave nga korona.

Në konferencën për media që po mbahet në Bernë po marrin pjesë: Presidenti Federal Guy Parmelin, njëherësh shef i Departamentit Federal të Çështjeve Ekonomike, Edukimit dhe Kërkimit, Këshilltari Federal që mbulon shëndetësinë, Alain Berset, Këshilltari Federal i financave, Ueli Maurer, Christoph Brutschin, Shef i Departamentit për Çështje Ekonomike, Sociale dhe Mjedisore të Kantonit të Basel-Stadt dhe President i Konferencës së Drejtorëve Kantonalë të Ekonomisë, Këshilltari kantonal Ernst Stocker, Shef i Drejtorisë së Financave të Kantonit të Cyrihut dhe Presidenti i Konferencës së Drejtorëve Kantonalë të Financave Kantonale.

Në vazhdim të konferencës, ministrat e pranishëm dhe funksionarët tjerë po u përgjigjen pyetjeve të gazetarëve lidhur me masat ndaj koronavirusit.

---