Banka e Shqipërisë: 56 milionë euro më shumë në rezervën valutore më 2021

Banka e Shqipërisë parashikon të rrisë me mbi 56 milionë euro rezervën valutore gjatë vitit 2021.

Gjatë këtij viti janë planifikuar të zhvillohen 14 ankande për shitjen e bonove të thesarit me shuma rreth 4 deri 6 milionë euro në secilin ankand. Në total, shuma e parashikuar për t’u blerë arrin midis 56 deri 84 milionë eurove, raporton atsh, përcjell Albinfo.ch.

Sipas kalendarit të publikuar nga Banka e Shqipërisë, ankandi i parë për blerjen e valutës në tregun e brendshëm valutor pritet të zhvillohet më datë 19 shkurt 2021.

Në fund të muajit nëntor, rezerva valutore e Bankës së Shqipërisë kishte vlerën e 3.87 miliardë eurove.

Rezerva valutore përbëhet nga obligacione dhe në depozita dhe në rezerva ari.

Ajo përdoret nga shteti shqiptar për nevoja emergjente që mund të ketë ekonomia për valutë të huaj, por, edhe si instrument rregullues në kursin e këmbimit për ruajtjen e stabilitetit të çmimeve dhe stabilitetit financiar.