Kosova ndihmon Kroacinë me 100,000 euro

Keystone

Kosova ndau 100,000 euro për Kroacinë, e cila këtë javë u godit nga një tërmet i fuqishëm.

Qeveria e Kosovës njoftoi përmes një komunikate për media se ka miratuar kërkesën e Ministrisë së Punëve të Jashtme dhe Diasporës për ndarjen e këtyre mjeteve financiare.

“Me këtë vendim, Qeveria e Republikës së Kosovës rreshtohet përkrah shteteve solidare, të cilat po e ndihmojnë Republikën e Kroacisë në sanimin e dëmeve që ka shkaktuar tërmeti”, thuhet në komunikatë.