Norma e vdekjeve nga Covid në Holandë, në nivel të lartë

Kjo normë aktuale e vdekjeve në Holandë është më e larta që nga Lufta e Dytë Botërore.

Numri i vdekjeve në Holandë u rrit në shkallën më të lartë që nga Lufta e Dytë Botërore këtë vit, për shkak të pandemisë së koronavirusit, tha të martën Zyra Kombëtare e Statistikave Holandeze (CBS).

Deri në javën e kaluar rreth 162,000 vdekje u raportuan, 13,000 më shumë sesa do të pritej në një vit të rregullt, tha CBS.

“Një rritje e tillë e numrit të të ndjerëve nuk është raportuar që nga Lufta e Dytë Botërore”, u tha tutje. Rreth 9,000 njerëz më shumë se normalisht vdiqën gjatë valës së parë të infeksioneve COVID-19 midis fillimit të marsit dhe fillimit të majit, tha CBS, ndërsa më shumë se 6,000 viktima shtesë janë raportuar që nga fillimi i valës së dytë në mes të shtatorit.

Një total prej 770,400 njerëzve në Holandë janë testuar pozitivisht për COVID-19 që nga fillimi i pandemisë, shkruan “Reuters”, përcjell tutje albinfo.ch.

---