Gjendja në pikat kufitare në Kosovë, në Merdar nuk ka pritje

Tashmë mërgimtarët kanë filluar të vijnë për festat e fundvitit në Kosovë. Ata po presin me orë të tëra nëpër kufijtë e shteteve, si Slloveni, Hungari, Kroaci, transmeton albinfo.ch.

Por ndryshe është gjendja në pikat kufitare në Kosovë.

Në Merdar gjatë ditës ka pasur pritje vetëm rreth 40 minuta, ndërsa në orët e mbrëmjes nuk ka pritje fare, transmeton albinfo.ch.

Këtë lajm e ka konfirmuar Arzen Rifati nga Dogana e Kosovës, i cili përmes telefonit ka dhënë detaje edhe për pikat e tjera kufitare.

“Gjatë ditës në pikëkalimin në Merdar pritjet kanë qenë rreth 40 minuta, kurse tani në mbrëmje nuk ka pritje. Po ashtu edhe në pikat e tjera kufitare, si te Dheu i Bardhë, Mutivodë, Jarinjë, dhe Muqibabë, pritjet sillen nga 20 deri 40 minuta”, ka bërë të ditur ai.

KP ka provuar të marrë informacione edhe nga Aeroporti Ndërkombëtar i Prishtinës, por nuk kanë qenë të qasshëm në telefon.