Vendet e varfra mund të mbesin pa vaksina të mjaftueshme deri më 2024

Keystone (AP Photo/Luca Bruno)

Skema globale për të shpërndarë vaksinat COVID-19 në vendet e varfra përballet me një rrezik “shumë të lartë” dështimi, duke i lënë vendet potencialisht me miliarda njerëz pa vaksina deri në fund të vitit 2024, thonë dokumentet e brendshme, shkruan “Reuters”, përcjell albinfo.ch.

Programi COVAX i Organizatës Botërore të Shëndetësisë është skema kryesore globale për të vaksinuar njerëzit në vendet me të ardhura të varfra dhe të mesme në gjithë botën kundër koronavirusit.

Ai synon të japë të paktën 2 miliardë doza vaksina deri në fund të vitit 2021 për të mbuluar 20% të njerëzve më të prekshëm në 91 vende të varfra dhe me të ardhura të mesme, kryesisht në Afrikë, Azi dhe Amerikën Latine.

Por, në dokumentet e brendshme të rishikuara nga Reuters, nxitësit e skemës thonë se programi po lufton nga mungesa e fondeve, rreziqet e furnizimit dhe rregullimet komplekse kontraktuale, të cilat mund ta bëjnë të pamundur arritjen e qëllimeve të tij.

“Rreziku i një dështimi për të krijuar një skemë të suksesshme është shumë i lartë”, thotë një raport.

Rreziku i dështimit është më i lartë, sepse skema u krijua kaq shpejt, duke operuar në “territor të pashkruar”, thotë raporti, përcjell tutje albinfo.ch.