​Rregullatori amerikan: Vaksina Moderna është e sigurt dhe efektive

Keystone EPA/SERGEI ILNITSKY

Vaksina e kompanisë amerikane Moderna kundër COVID-19 është e sigurt dhe efektive, tha Administrata Amerikane e Ushqimit dhe Barnave (FDA) sot në një analizë që parashikon miratimin e saj të menjëhershëm në Shtetet e Bashkuara deri në fund të javës.

Vaksina e ndërmarrjes së re të bioteknologjisë nuk paraqet “ndonjë problem specifik të identifikuar të sigurisë që do të parandalonte lëshimin e miratimit të tij emergjent”, sipas FDA, komiteti i ekspertëve i të cilit do të mblidhet të enjten, transmeton tch, përcjell Albinfo.ch.

Nëse miratohet, vaksina e Moderna, e vlerësuar të jetë 94.1 për qind efektive nga ekspertët e FDA, do të bashkohet me Pfizer/BioNTech në fushatën e vaksinimit në SHBA, më e madhja në historinë e vendit.

Autoritetet parashikojnë vaksinimet e rreth 20 milionë amerikanëve deri në fund të dhjetorit dhe 100 milionë deri në fund të marsit.

SHBA ka blerë gjithsej 200 milionë doza të kësaj vaksine, gjysma e të cilave nuk duhet të shpërndahen deri në gjysmën e dytë të vitit 2021. Ata gjithashtu blenë 100 milionë doza të Pfizer/BioNTech.

Të parët që do të vaksinohen do të jenë njerëzit më të ekspozuar ndaj koronavirusit dhe përdoruesit e shtëpive të pleqve.

Procesi i miratimit të vaksinës Moderna është një javë vonë pas miratimit të vaksinës Pfizer/BioNtech, e cila mori ‘dritën jeshile’ nga FDA të premten e kaluar.

Më shumë se 300.000 njerëz kanë vdekur nga COVID-19 në Shtetet e Bashkuara, sipas Universitetit Johns Hopkins.

Shtetet e Bashkuara kanë ende një numër rekord të infeksioneve dhe më shumë se 200.000 raste të reja ditore, dhe 2.500 apo edhe 3.000 vdekje në ditë.