Lartësia e Mount Everest, ‘ndryshon’

Nepali dhe Kina së bashku përpunuan të dhënat e anketuara dhe dolën me rezultatin përfundimtar rreth lartësisë së Mont Everestit.

Pas më shumë se një dekade mosmarrëveshjesh dhe polemikash, Kina dhe Nepali më në fund kanë rënë dakord se sa i lartë është Mount Everest. Maja më e lartë në botë, e cila ndodhet në kufirin e Nepalit me Tibetin në Himalajet, qëndron në 8848.86 metra, njoftuan zyrtarët nga të dy vendet më 8 dhjetor 2020.

Kjo është gati një metër më e lartë se lartësia e njohur më parë. Marrëveshja shënoi fundin e një debati të gjatë mbi dimensionet e sakta të malit, të njohur si Sagarmatha në Nepal dhe Qomolangma në Tibet. Gjatë viteve, të dy vendet – si dhe qeveritë e tjera në botë – kanë ofruar vlerësime të ndryshme për lartësinë e malit.

“Projekti ishte një çështje e krenarisë kombëtare për Nepalin dhe një ndërmarrje prestigjioze për qeverinë e Nepalit. Ndihem shumë krenar që ishim në gjendje ta përfundonim atë me sukses”, i tha CNN-it Susheel Dangol, zëvendësdrejtor i Përgjithshëm në Departamentin e Studimit të Nepalit, përcjell albinfo.ch.

Nepali dhe Kina së bashku përpunuan të dhënat e anketuara dhe dolën me rezultatin.

---