Paris, protesta të dhunshme kundër ligjit të sigurisë

Të shtunën pati përplasje të madhe në Paris gjatë protestës kundër ligjit të sigurisë në Francë. Grupe të rinjsh hodhën objekte në drejtim të policisë në lindje të qytetit, në Avenue de Gambetta, transmeton albinfo.ch.

Duhet theksuar se dritaret e dyqaneve dhe dritaret e agjencive të bankave dhe të sigurimeve u shkatërruan. Rreth 60 persona u arrestuan nga policia.

Pas incidenteve të shtunën e kaluar, protesta kundër Nenit 24 – i cili ndalon filmimin dhe postimin e fotove të oficerëve të policisë në veprim – dhe kundër të gjithë ligjit global të sigurisë, është kthyer në një revoltë të dhunshme këtë fundjavë.

Ndryshe nga e kaluara, këtë herë nuk kishte më pak njerëz të dhunshëm: të paktën 500 njerëz, të gjithë të maskuar me të zeza, ishin në “aksion”, të gatshëm për një konfrontim fizik me policinë, e cila në mënyrë efektive parandaloi rreth 5,000 demonstrues të arrinin në sheshin “De la République”.

Policia blindoi hyrjet në qendër të Parisit dhe veçanërisht në Marais, ku rrugët e vogla të mbushura me dyqane u shkatërruan.

Protestuesit hedhën fishekzjarreve dhe koktej molotovi kundër policisë, e cila u përgjigj me gaz lotsjellës.