Cili qytet austriak renditet më lart se Vjena për të mërguarit

Dimitry Anikin

Dy qytete austriake shfaqen dukshëm në një renditje të 66 qyteteve më të mira për të mërguarit.

Graz doli qyteti i dhjetë më i vlerësuar për të mërguarit në Expat City Ranking 2020.

Sondazhi – i cili merr parasysh mendimet e 15,000 njerëzve në gjithë globin – studion se sa i gjallë është një qytet për punëtorët ndërkombëtarë ose ‘të mërguarit’, shkruan thelocal.at, përcjell albinfo.at.

Ndërsa, kryeqyteti renditet përpara Grazit me dy faktorë kryesorë – cilësia e jetës dhe sa e lehtë është të vendosesh – Graz renditet më lart për sa i përket kostos së jetesës, mundësisë së strehimit dhe jetës profesionale.

Graz renditet i pesti nga 66 qytete për sigurinë e vendeve të punës dhe ulet në të dhjetin për ekuilibrin midis jetës dhe punës.

Në total, 80 për qind e të shpërngulurve në Graz mendojnë se punët e tyre janë të sigurta – dhe një shumë e ngjashme shikojnë pozitivisht ekuilibrin e tyre të jetës dhe punës.

Graz renditet i pesti në gjithë botën për cilësinë e jetës, me transportin publik dhe pastërtinë e mjedisit.

Vjena u rendit si qyteti i tretë më i keq për mirëdashësi pas vetëm Salmiya (Kuvajt) – i cili përfundoi i fundit në përgjithësi. Graz u rendit i 50-ti në gjithë botën për mirëdashësi.

Së bashku me një mungesë miqësie, jeta shoqërore ishte gjithashtu një shqetësim i madh në Austri.

“Nuk është e lehtë të bësh miq. Austriakët kanë tendencë të mos flasin shumë”, tha një mërgimtar nga Afrika e Jugut, përcjell tutje albinfo.at.