SHBA përgatitet për vaksinat e para COVID-19

Ndërkohë që vaksina të tjera paralajmërohen se do të prodhohen së shpejti, duke i dhënë shpresë botës se fundi i pandemisë mund të jetë jo i largët

Miratimi i SHBA-së për shpërndarjen e një vaksine të prodhuar nga Pfizer dhe partneri gjerman BioNTech mund të vijë edhe më shpejt se 11 dhjetor, tha për shfaqjet televizive të lajmeve Dr. Moncef Slaoui, këshilltari kryesor shkencor për “Operacionin Warp Speed”.

“Brenda 24 orësh nga miratimi, vaksina do të lëvizë dhe do të vendoset në zonat ku secili shtet do t’i ketë treguar dozat e vaksinës”, tha Slaoui për NBC.

“Kështu që unë do të prisja, ndoshta në ditën e dytë pas miratimit, më 11 ose 12 dhjetor, shpresojmë që njerëzit e parë do të ‘imunizohen’ në gjithë Shtetet e Bashkuara”, tha ai.

Pfizer thotë se vaksina e saj ishte 95% efektive kundër infeksionit nga virusi i frymëmarrjes shumë ngjitës.  Kompanitë e tjera farmaceutike që përparojnë drejt një vaksine përfshijnë Moderna Inc, e cila pritet të kërkojë miratim të veçantë më vonë në dhjetor. Përparimi i fundit erdhi të hënën, pasi kompania britanike AstraZeneca tha se vaksina e saj mund të jetë 90% efektive pa ndonjë efekt anësor serioz, duke i dhënë botës një mjet tjetër të rëndësishëm kundër pandemisë dhe një që është potencialisht më e lirë për t’u bërë, më e lehtë për t’u shpërndarë, shkruan “Reuters”, përcjell albinfo.ch.

---