Zvicër: 8.270 raste të reja dhe 86 viktima të koronavirusit brenda 24 orësh

Ky numër përbën një rritje në krahasim me atë të 3-4 ditëve të fundit, kur kishim më pak se 6000 raste në ditë

Zyra Federale e Shëndetit Publik sapo ka raportûar 8,270 raste të reja që kishin rezultuar pozitive me koronavirus brenda 24 orëve të fundit, njofton srf.ch.

Ky numër përbën një rritje në krahasim me atë të 3-4 ditëve të fundit, kur kishim më pak se 6000 raste në ditë, shkruan albinfo.ch.

Mesatarja e 7 ditëve të fundit është 6983 raste në ditë ose 13 për qind më pak se në javën e kaluar. Trendi aktualisht është në rënie.

Shkalla mesatare e testimeve me rezultat pozitiv aktualisht është 26.5 për qind që do të thotë se nga 100 testime të bëra, mesatarisht 27 teste ishin pozitive, përcjell albinfo.ch. Kjo do të thotë se pragu kritik prej 5 përqind është tejkaluar.

Numri i testimeve të bëra në  7-ditët e fundit është 29,115 teste në ditë, që është 7 për qind më pak se javën e kaluar.

BAG raporton 86 raste të reja të vdekjes nga Covid-19 brenda 24 orëve të fundit.

Kantonet aktualisht raportojnë për 3.914 njerëz që janë duke u trajtuar në spitale për Covid-19. Kjo është 15 për qind më shumë se në javën e kaluar.

---