Berset: “Numrat e fundit duken më inkurajues”

Megjithatë, një tendencë e uljes së vërtetë nuk mund të identifikohet ende qartë, ka thënë ministri i shëndetësisë

Sipas Ministrit të Shëndetësisë Alain Berset, numrat infeksioneve të koronavirusit, gjegjësisht ulja e tyre në fundjavën e kaluar është “pak më inkurajuese” krahasuar me javën e kaluar.

Megjithatë, një tendencë e uljes së vërtetë nuk mund të identifikohet ende qartë, shkruan srf.ch. Pra, situata mbetet serioze, ka thënë sot ministri i shëndetësisë në Delémont (Jura) para mediave.

Është një kohë e vështirë për gjithë vendin. Situata në spitale po na e shkakton shqetësimin më të madh, transmeton albinfo.ch. Në valën e dytë, problemi ynë është mbi të gjithë stafi, presioni mbi punëtorët shëndetësorë është shumë i madh, disa prej tyre janë gjithashtu në karantinë.

Berset ka lavdëruar organizimin e kantonit Jura lidhur me parandalimin e përhapjes së koronavirusit. “Jura është shembull për gjithë Zvicrën sa i takon bashkëpunimit me federatën, në luftën kundër koronavirusit”, ka thënë veç tjerash ministri.

Ai ka përmendur për të mirë në veçanti faktin se ky kanton i vogël, ka angazhuar 40 punonjës për ndjekjen e gjurmëve të kontakteve të koronavirusit

Zyra Federale e Shëndetit Publik (BAG) ka raportuar sot 17,309 infeksione të reja me koronavirus, të regjistruara nga e premtja deri të dielën, përcjell albinfo.ch. Një javë më parë kishte 21,926 infeksione të reja me virusin Sars-CoV-2 për fundjavën dhe 17,440 dy javë më parë.

---