Lajme
Mjekët alarmojnë: Masat e ndërmarra nuk mjaftojnë për luftimin e virusit
"Për momentin nuk duket se masat e marra në luftën kundër koronavirusit do të jenë të mjaftueshme". Këtë e ka deklaruar sot Matthias Ackermann, kreu i task forcës federale Covid
Profesionistët e shëndetësisë në Zvicër janë përgjithësisht të pakënaqur me masat që janë ndërmarrë deri më sot për frenimin e pandemisë së koronavirusit. ato, sipas tyre, janë të pamjaftueshme dhe jo sa duhet të rrepta, në raport me situatën.
“Për momentin nuk duket se masat e marra në luftën kundër koronavirusit do të jenë të mjaftueshme”. Këtë e ka deklaruar sot Matthias Ackermann, kreu i task forcës federale Covid, në konferencën për shtyp të mbajtur pasdite, shkruan 20minuten.ch.
Pothuajse 10 ditë pasi qeveria federale ka ashpërsuar masat (të mërkurën e kaluar), situata me koronavirusin në Zvicër nuk është zbutur.
As Anne Lévy, drejtoreshë e Zyrës Federale të Shëndetit Publik (BAG), nuk e sheh gjendjen si shumë shpresëdhënëse: “Rezervat e shtretërve të kujdesit intensiv janë ulur. Ne jemi goxha të ngarkuar, aktualisht kemi rreth 25 përqind rezervë “, transmeton albinfo.ch.
Ndërsa Thomas Steffen, mjek i kantonit të Basel-Stadt dhe anëtar i bordit të Shoqatës së Mjekëve Kantonalë, e ka qartësuar më tej situatën: “Nëse nuk ka përmirësime të dukshme, do të jenë të nevojshme masa të mëtejshme drastike”.
Ushtria është e nevojshme në Gjenevë
Qëllimi vazhdon të jetë i njëjtë si gjithmonë: të parandalojmë një mbingarkesë të sistemit të kujdesit shëndetësor. Por koha për të përjetuar këtë skenar tashmë po kërcënon të afrohet, përcjell albinfo.ch. Angazhimi i parë ushtarak është aprovuar tashmë në kantonin e Gjenevës pasi sistemi civil shëndetësor është në kufijtë e mundësive të tij. Në Freiburg, mjeku Nicolas Blondel ka paralajmëruar tri ditë më parë për një katastrofë shëndetësore.
“Politikanët tani duhet të bëjnë gjithçka që është e mundur për të shmangur mbingarkesën në sistemin e kujdesit shëndetësor dhe për të mbrojtur personelin infermieror, transmeton albinfo.ch. Nëse kjo mund të arrihet vetëm përmes ashpërsimit të sërishëm të masave, shoqata jonë do ta mbështesë atë “, thotë Yvonne Ribi, drejtoreshë menaxhuese e Shoqatës Profesioniste Zvicerane për Profesionistët e Infermierisë.
Ribi paralajmëron se situata duket se do të përkeqësohet: “Realiteti është që ne kishim shumë pak staf para pandemisë. Tani ne duhet të bëjmë gjithçka për të liruar kapacitetet për kujdesin e pacientëve me Covid – si në spitale ashtu edhe në kujdesin afatgjatë “.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj