Merkel paralajmëron situatë ‘dramatike’ të koronavirusit në Gjermani

KEYSTONE/EPA/JOHN THYS / POOL

Kancelarja Angela Merkel ka paralajmëruar një situatë “tepër dinamike” dhe “dramatike” Covid-19 në Gjermani, sipas një raporti të medias gjermane.

Gjatë një takimi të Komitetit të Bashkimit Demokristian (CDU) të hënën, Merkel thuhet se foli për shqetësimin e saj rreth rasteve në rritje të koronavirusit.

Sipas gazetës Bild, Merkel tha se Gjermania së shpejti mund të gjendet në një “situatë të vështirë” kur bëhet fjalë për disponueshmërinë e shtretërve të kujdesit intensiv. Rritja e infeksioneve duhet të ndalet urgjentisht, paralajmëroi ajo gjatë diskutimeve.

Autoritetet shëndetësore raportuan 8,685 infeksione të reja me koronavirus brenda një dite, sipas Institutit Robert Koch (RKI). Një javë më parë, kjo shifër ishte rreth gjysma, duke qëndruar në 4,325. Të shtunën ka pasur një rekord prej 14.714 raste të reja brenda 24 orëve në Gjermani. Numri i përgjithshëm i vdekjeve në Gjermani që nga fillimi i pandemisë tejkaloi 10,000 në fundjavë, shkruan thelocal.de, përcjell albinfo.ch.