BAG: Të gjitha kantonet zvicerane janë shumë mbi kufirin e rrezikut

Të gjitha kantonet janë shumë më lart se kufiri i rrezikut i caktuar nga federata, i cili është 60 infeksione për 100.000 banorë

Shpërndarja e numrit të infeksioneve midis kantoneve është shumë e ndryshme. Kështu ka thënë Stefan Kuster, nga Zyra Federale e Shëndetit Publik në konferencën e sotme për shtyp në Bernë, shkruan srf.ch.

Por, të gjitha kantonet janë shumë më lart se kufiri i rrezikut i caktuar nga federata, i cili është 60 infeksione për 100.000 banorë. Siç është shkruar tashmë, Zvicra kishte vendosur detyrimin e karantinës për personat që vinin nga vendet në të cilat numri i infeksioneve kalon mbi kufirin e përmendur.

Kuster është i kënaqur me zhvillimin e aplikacionit për hulumtimin e gjurmëve të Covidit, transmeton albinfo.ch. Ky aplikacion po shkarkohet tani më shpesh dhe po ndihmon në këputjen e zinxhirëve të infeksionit.

Kuster në konferencë ka folur edhe për moshat e të prekurve nga koronavirzusi.

“Ndërsa të rinjtë janë prekur më shumë, kryesisht gjatë verës, ne po vërejmë një ndryshim në javët e fundit” ka thënë Kuster. Të gjitha grupmoshat tani janë prekura në mënyrë të ngjashme nga virusi korona, për aq sa mund të konstatohet nga rastet e konfirmuara.

---