Kosovë: Pas Qalajt, Hoti shkarkon edhe drejtorët e Doganës dhe ATK-së

Keystone (AP Photo/Visar Kryeziu)

Kryeministri Avdullah Hotim vazhdon të shkarkojë udhëheqësit në pozita të larta të shtetit.

Pas shkarkimit të drejtorit të Policisë, Hoti ka shkarkuar edhe ushtruesin e detyrës së drejtorit të përgjithshëm të Doganës së Kosovës  Ibrahim Xhaka dhe drejtorin e përgjithshëm të ATK-së, Ilir Murtezaj.

“Në përputhje me kompetencat ligjore dhe bazuar në rekomandimet e ministres së Financave, sot Kryeministri i Republikës së Kosovës, z. Avdullah Hoti, ka marrë vendim për t’i liruar nga detyra ushtruesin e detyrës së Drejtorit të Përgjithshëm të Doganës të Kosovës dhe Drejtorin e Përgjithshëm të Administratës Tatimore të Kosovës”, thuhet në njoftim.

“Në përputhje me ligjet përkatëse në fuqi, Kryeministri Hoti ka emëruar z. Bajram Rexha ushtrues detyre i Drejtorit të Përgjithshëm të Doganës të Kosovës dhe z. Ekrem Hysenaj ushtrues detyre i Drejtorit të Përgjithshëm të Administratës së Kosovës”, thotë Qeveria.

Ende nuk dihet se kush do t’i pasojë Xhakën dhe Murtezajn, shkruajnë mediat kosovare, përcjell albinfo.ch.