Spektakli mes Gjermanisë dhe Zvicrës përfundon me barazim

Sfida në Gjermani ishte shumë e bukur dhe përfundoi 3:3

Në një ndeshje shumë të bukur Gjermania dhe Zvicra kanë barazuar 3:3 në Ligën e Kombeve.

Gavranoviq realizoi në minutën e pestë, pas një asistimi nga Fruler. Ky i fundit shënoi në minutën e 26-të për 0:2, shkruan Albinfo.ch.

Ndërkohë, Timo Werner ngushtoi shifrat në 1:2 në minutën e 28-të.

Gjermania barazoi shifrat në pjesën e dytë, ku realizoi Havertz, në minutën e 55-të. Gavranoviq ishte në formë të mirë dhe shënoi sërish për Zvicrën 2:3, dy minuta më pas.

Në minutën e 60-të, Gnabry realizoi për 3:3 një gol të bukur. Ky ishte goli i fundit në këtë përballje.

Për Zvicrën nga fillimi në fushë ishin Xherdan Shaqiri dhe Granit Xhaka si kapiten. Shaqiri luajti deri në minutën e 66-të, kurse Xhaka luajti 90 minuta dhe u ndëshkua me karton të verdhë. Nga minuta e 75-të luajti edhe Admir Mehmedi.

Zvicra ka dy pikë në grupin e saj, kurse lidere është Spanja me shtatë, derisa Gjermania dhe Ukraina nga gjashtë.

bGoli i Dytë i Zvicrës

---