Lajme

Kombëtarja e Kosovës, me ekip të plotë para ndeshjes me Maqedoninë

E martë, 6 Tetor 2020 - 21:00 albinfo.ch

Kombëtarja e Kosovës e ka mbajtur seancën e dytë stërvitore para ndeshjes tejet të rëndësishme kundër Maqedonisë së Veriut, e cila zhvillohet të enjten në mbrëmje në Shkup, në kuadër të gjysmëfinales së “play-off”-it për kualifikim në Kampionatin Evropian.

Për dallim nga stërvitja e parë, kur munguan disa futbollistë, të cilët ishin të angazhuar me ekipet e tyre në ndeshjet e së dielës, gjatë seancës së sotme përzgjedhësi Bernard Challandes kishte në dispozicion të gjithë futbollistët e paraparë për këtë stërvitje.

Në stërvitje lojtarët punuan me përkushtim në zbatimin e skemave dhe filozofisë së lojës nga përzgjedhësi Challandes, derisa Herolind Shala dhe Fidan Aliti u deklaruan optimistë për sukses, derisa kërkuan mbështetje dhe pozitivitet nga të gjithë, derisa u premtuan tifozëve dardanë se do ta japin maksimumin në ndeshjen e së enjtes.
Kombëtarja nesër në mëngjes niset për në Shkup, ku do ta kryejë stërvitjen e fundit para ndeshjes së shumëpritur.

 Të ngjashme

Ukraina përgatitet për betejën vendimtare në lindje të vendit

 Të tjera nga Lajme

Shoferi 87 vjeçar përplaset me grupin e kampit shkollor – një i vdekur

 E-Diaspora

 Jeta në Austri