Lajme

Vendimi hyn në fuqi nga nesër: Kush duhet të shkojë në karantinë e kush jo

Kosova është larguar nga lista dhe qytetarët që kthehen nga Kosova në Zvicër, nuk duhet të bëjnë 10 ditë karantinë

E diel, 27 Shtator 2020 - 10:00 albinfo.ch

(KEYSTONE/Ennio Leanza)

Zyra Federale e Shëndetit Publik (BAG) ka aktualizuar listën e vendeve me rrezik për koronavirusin. Këtë e ka bërë vazhdimisht, duke përcjellë situatën në vende. Nëse ka më shumë se 60 raste për 100 mijë banorë, atëherë ai vend ishte në zonën e rrezikut dhe qytetarët që vijnë në Zvicër nga ai vend, duhet të bëjnë dhjetë ditë karantinë, përcjell albinfo.ch.

Kosova dhe San Marino janë larguar nga lista e rrezikut dhe ky ishte një lajm shumë i mirë për shumë shqiptarë që jetojnë në Zvicër e që mund të vijnë në Kosovë.

Britania e Madhe, Portugalia dhe Belgjika janë përfshirë në këtë listë ndërsa Kosova është hequr.

Përveç Portugalisë, Belgjikës dhe Britanisë së Madhe, Zyra Federale tani ka shtuar në listë Danimarkën, Irlandën, Islandën, Slloveninë, Hungarinë dhe Marokun, trasnmeton albinfo.ch. Nga vendet në Lindjen e Mesme, Omani përsëri konsiderohet një vend me rrezik.

Lista e azhurnuar përfshin gjithashtu zonat e Bretanjës në Francë, Ligurisë në Itali dhe shteteve federale të Austrisë së Epërme dhe Austrisë së Poshtme në Austri.

Kush duhet të jetë në karantinë?

Njerëzit që kanë qëndruar në një vend ose zonë me një rrezik në rritje të infektimit dhe më pas hyjnë në Zvicër duhet të jenë në karantinë. Shtetet dhe zonat në fjalë përcaktohen në një listë. Kjo listë azhurnohet rregullisht për shkak të situatës epidemiologjike, thuhet në faqen zyrtare të BAG, përcjell albinfo.ch.

Lista që është e vlefshme në kohën e hyrjes në Zvicër është vendimtare për detyrimin e karantinës.

Kontrolloni listën që është e vlefshme gjatë hyrjes tuaj: A keni qenë në ndonjë nga shtetet e listuara ose zonat në çdo kohë brenda 10 ditëve të fundit para hyrjes? Nëse është kështu, ju jeni të detyruar ligjërisht të hyni në karantinë dhe të raportoni hyrjen tuaj tek autoritetet kantonale.

Pasagjerët e tranzitit që kanë qenë në një shtet ose zonë me një rrezik në rritje të infektimit për më pak se 24 orë përjashtohen nga detyrimi i karantinës. Përjashtime të mëtejshme rregullohen në rregulloren Covid-19, masa në fushën e trafikut ndërkombëtar të udhëtarëve sipas nenit 4.

Një rezultat negativ i testit as nuk heq kërkesën për karantinë dhe as nuk e shkurton kohëzgjatjen e karantinës. Për shkak se një rezultat negativ i testit nuk përjashton një infeksion me koronavirusin e ri, përcjell tutje albinfo.ch.

Lista e shteteve dhe territoreve

Shtetet dhe zonat me një rrezik në rritje të infektimit përcaktohen në masat rregulluese Covid-19 në fushën e trafikut ndërkombëtar të udhëtarëve. Kjo listë azhurnohet rregullisht.

Nëse një shtet është në listë, kjo përfshin të gjitha territoret e tij, ishujt dhe territoret përtej detit – edhe nëse ato nuk renditen veçmas. Vendet fqinje të Zvicrës përjashtohen nga ky rregull. Këto nuk rendisin shtete të tëra, por zonat.

Nga 28 shtatori janë larguar nga lista, Kosova dhe San Marino.

Lista

Territoret e shteteve fqinje

Franca:

Rajoni i Bretanjës

Rajoni Val-Lo de Loire

Rajoni korse

Rajoni i Hauts-de-France

Rajoni Ile de France

Rajoni i Normandisë

Rajoni i Nouvelle-Aquitaine

Rajoni Occitanie