Zvicra dhe Austria, dy zona me rrezik të lartë për koronavirus

Në 24 orët e fundit, Zvicra ka 514 raste të reja me koronavirus, ndërkohë Austria 768 raste.

Zvicra tashmë është zyrtarisht një zonë me rrezik të lartë për koronavirusin, sipas një pragu të vendosur nga qeveria zvicerane.

Është bërë e ditur nga Zyra Federale e Shëndetit Publik (BAG) se sot në Zvicër janë raportuar 514 infeksione të konfirmuara me koronavirus brenda 24 orëve, transmeton albinfo.ch.

Sipas statistikave, deri tani 48,265 raste të konfirmuara nga laboratori që nga fillimi i pandemisë, sipas BAG. Ndërkohë asnjë viktimë nuk është shënuar sot.

Që nga mesi i qershorit Zvicra ka pasur një rritje shqetësuese në rastet e reja të Covid-19.

Deri më tani në Zvicër dhe Lihtenshtajn janë kryer 1,221,858 për Sars-CoV-2, që është agjent shkaktar i sëmundjes së frymëmarrjes Covid-19, transmeton tutje albinfo.ch.

Nga ana tjetër, autoritetet shëndetësore austriake thonë se në 24 orët e fundit, 768 raste të reja janë shënuar në gjithë Austrinë.

Në 24 orët e fundit është shënuar një viktim me Covid-19 në Ausri dhe që nga fillimi i pandemisë ka 35,073 të infektuar.

Austria ka kryer 1,379,839 testime në tërë territorin e saj. /Albinfo.ch

---