Ndahet nga jeta gazetari Sulejman Gashi

Gashi ka punuar si gazetar në media të ndryshme të Kosovës e të Shqipërisë ndërsa viteve të fundit ka qenë korrespondent i RTK-së në SHBA

Pas një sëmundjeje të rëndë nga e cila po vuante prej disa vitesh, është shuar sot në SHBA gazetari i njohur Sulejman Gashi.

Gashi ka punuar si gazetar në media të ndryshme të Kosovës e të Shqipërisë ndërsa viteve të fundit ka qenë korrespondent i RTK-së në SHBA.

“Me pikëllim të thellë ju njoftojmë që sot, me 11 shtator 2020, ndërroi jetë më i dashuri ynë z. Sulejman Gashi. Ai po luftonte shumë që të rikthehej nga gjendja e rëndë që kishte pësuar katër vite më parë”, shkruan në një postim në fb, djali i të ndjerit, Drilon Gashi.

“Varrimi i të ndjerit do të bëhët në vendlindjen e tij në Kosovë, vendin të cilin ai e deshi aq shumë. Sulejman Gashi bëri një jetë, dhe la një vepër, me domëthënie të jashtëzakonshme për familjen, profesionin, vendin dhe kombin e tij.

Në ditët në vijim do të ju japim informata të mëtutjeshme. Ne jemi mirënjohës për respektin dhe dashurinë që njerëzit e kanë për më të dashurin tonë, Sulejmanin, por ju lusim që bashkërisht të respektojmë masat e shëndetit publik në këtë kohë pandemie”, thuhet në fund të njoftimit.

---