Një rast pozitiv në Forumin Ekonomik Zviceran me 900 pjesëmarrës

Mjeku i kantonit ka urdhëruar vendosjen në karantinë vetëm për një mysafir i cili ishte në kontakt me pjesëmarrësin e sëmurë

Një vizitor i Forumit Ekonomik Zviceran (SEF) që po mbahet në Montreux (Vaud) ka rezultuar pozitiv në testimin e bërë për virusin korona.

Organizatorët kanë informuar të shtunën rreth 900 pjesëmarrës të forumit lidhur me rastin, shkruan srf.ch. Mjeku i kantonit me këtë rast ka urdhëruar që një tjetër mysafir të vihej në karantinë.

Të gjithë pjesëmarrësit janë informuar për rastin nga dora e parë me SMS, ka thënë për emdiat një zëdhënës i SEF, transmeton albinfo.ch. Nuk ka asnjë arsye shqetësimi për pjesëmarrësit.

Mjeku i kantonit ka urdhëruar vendosjen në karantinë vetëm për një mysafir i cili ishte në kontakt me pjesëmarrësin e sëmurë, ka shtuar zëdhënësi. Nuk janë urdhëruar masa shtesë.

Personi i sëmurë ka rezultuar pozitiv të premten, thuhet në një njoftim të SEF, përcjell albinfo.ch. Një ditë më parë, herët në mëngjes, personi nga kantoni i Cyrihut kishte simptoma . Në mbrëmje ai e kishte kërkuar vetë që të testohej.

Sipas informacionit, gjendja e personit në fjalë po shkon drejt përmirësimit

---