Lajme
Zvicra vendos edhe Kroacinë në listën e karantinës
Kroacia dhe San Marino, veç të tjerave, janë shtetet e reja në këtë listë. Ndërkaq, Belgjika dhe Luksemburgu janë hequr nga lista
BAG ka riaktualizuar listën e shteteve dhe zonave me rrezik në rritje për infektim me koronavirusi.
Kroacia dhe San Marino, veç të tjerave, janë shtetet e reja në këtë listë. Ndërkaq, Belgjika dhe Luksemburgu janë hequr nga lista, njofton srf.ch.
Kjo listë e modifikuar do të hyjë në fuqi të hënën, më 7 shtator 2020 në mesnatë (në mesnatën e të dielës, pas orës 24.00).
Të gjithë ata që kanë qëndruar në një vend apo zonë të tillë, me rrezik në rritje të infektimit brenda 14 ditëve të fundit dhe më pas duan të hyjnë në Zvicër, duhet të vendosen në në karantinë për 10 ditë, transmeton albinfo.ch. Faktori vendimtar me këtë rast është nëse vendi nga i cili ktheheni, është në listë në ditën që ju hyni në Zvicër.
Shtetet dhe zonat e prekura do të azhurnohen në varësi të situatës epidemiologjike.
Siç është shkruar tashmë, personat e prekur duhet të vendosen në karantinë menjëherë pas hyrjes në vend dhe të raportojnë tek autoriteti përgjegjës kantonal brenda 2 ditësh. Mosrespektimi mund të rezultojë në një gjobë të rëndë.
Një rezultat negativ i testit në kohën e hyrjes as nuk heq detyrimin e karantinës dhe as nuk e shkurton kohëzgjatjen e saj, përcjell albinfo.ch. Është kështu për shkak se rezultati negativ i testit nuk përjashton infeksionin me koronavirus në ditët vijuese.
Pasagjerët tranzit të cilët kanë qenë në një shtet ose zonë me një rrezik në rritje të infektimit për më pak se 24 orë përjashtohen nga detyrimi i karantinës.
Të ngjashme
Të tjera nga Lajme
E-Diaspora
-
Gjon’s Tears në intervistë për median zvicerane, flet për Kosovën Pas paraqitjeve të dukshme në televizion, Gjon’s Tears nga Fribourg publikoi albumin e parë në mars....
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj