Krim makabër në Gjermani: Nëna vret 5 fëmijët e saj

KEYSTONE/EPA/SASCHA STEINBACH

Një lajm tronditës vjen nga Gjermania, ku një grua 27-vjeçare dyshohet të ketë vrarë 5 fëmijët e saj me moshën një, dy, tre, gjashtë dhe tetëvjeçare, para se edhe vetë të tentonte të vetëvritej duke u hedhur përballë një treni.

Qyteti ku ndodhi ky krim makabër quhet Solingen, i cili gjendet në afërsi të Dyseldorfit dhe Këlnit, që është i njohur historikisht vetëm për prodhimin e shpatave dhe thikave cilësore.

Autorja e këtij krimi, edhe përkundër përpjekjeve për vetëvrasje, ka mbijetuar, edhe pse paraqet plagë të rënda që po trajtohen në spital.

Ndërkohë forcat policore u njoftuan me telefon nga gjyshja e të vegjëlve, u nisën urgjentisht në banesën ku kishte ndodhur ngjarja makabre, por nuk arritën në kohë për të shpëtuar 5 fëmijët.

Nuk dihen ende arsyet e tragjedisë, por autoritetet do të mbajnë një konferencë shtypi në orët në vijim.