Lajme
Rritje globale e çmimeve të ushqimeve
Çmimet e ushqimeve u rritën përsëri në tregjet botërore në gusht, duke arritur nivelin e tyre më të lartë që nga shkurti, nxitur nga kërkesa më e fortë dhe një dollar më i dobët, njoftoi të enjten Agjencia e Kombeve të Bashkuara për Ushqimin dhe Bujqësinë (FAO), përcjell albinfo.ch.
Çmimet e sheqerit u rritën më së shumti në gusht, me 6.7 për qind krahasuar me qershorin, duke reflektuar vlerësime më të ulëta të prodhimit për shkak të kushteve të pafavorshme të motit në Bashkimin Evropian dhe Tajlandë dhe kërkesës së fortë të importit nga Kina.
Vajrat bimore gjithashtu u rritën ndjeshëm, me 5.9 për qind, të udhëhequr nga vaji i palmës, çmimi i të cilit u ndikua nga një ritëm i ngadaltë i prodhimit dhe kërkesa e qëndrueshme e importit. Çmimet e sojës, lulediellit dhe vajit gjithashtu u rritën.
Drithërat gjithashtu u rritën në gusht, me 1.9 për qind nga qershori, për shkak të rritjes së kërkesës nga Kina. Çmimi i misrit gjithashtu u rrit në mënyrë të konsiderueshme, me dy për qind, për shkak të përkeqësimit të perspektivës për të korrat në SHBA.
Orizi është rritur gjithashtu në çmim për shkak të furnizimit sezonal më të ulët dhe rritjes së kërkesës në Afrikë.
Çmimet e qumështit dhe produkteve të qumështit dhe mishit ishin të pandryshuara nga korriku, sipas FAO.
Rënia e çmimeve të djathit dhe pluhurit të qumështit të plotë kompensojnë çmimet më të larta të gjalpit për shkak të aftësive të reduktuara të eksportit në Evropë, shoqëruar me prodhimin e ulët të qumështit në kushtet e thatësirës.
Në kategorinë e mishit, çmimet më të ulëta të viçit, mishit të deleve dhe pulave për shkak të kërkesës së zvogëluar të importit ishin një ekuilibër ndaj mishit të derrit më të shtrenjtë, duke pasur parasysh rritjen e shpejtë të kërkesës nga Kina.
Konsumi global i drithërave në sezonin 2020/21 duhet të jetë dy për qind më e lartë krahasuar me sezonin 2019/20 dhe kapin vlerën 2.76 miliardë tonë.
Rezervat e drithërave pritet të rriten 1.7 për qind deri në fund të sezonit në vitin 2021, në 895.5 milionë tonë.
FAO gjithashtu pret pothuajse të njëjtën përqindje rritje në vëllimin e tregtisë globale të drithërave, në 441.4 milionë ton, për shkak të eksporteve të pritshme më të larta të orizit dhe drithërave të përdorura në ushqimin e njerëzve dhe kafshëve.
E-Diaspora
-
Puna në ajër të jep ndjenjën e paqes “Nuk ka asgjë më mirë se të mund të punoj në ajër. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?