Kosova e kërkon ndihmën e Italisë për luftimin e pandemisë

Në luftë me virusin Covid-19, institucionet e Kosovës janë duke kërkuar ndihmë nga shtetet evropiane.

Ministri i Shëndetësisë sê Kosovës, Armend Zemaj ka kërkuar ndjhmën e shtetit të Italisë për sjelljen e profesionistëve shëndetësorë. Këtë kërkesë Zemaj e parashtroi para ambasadorit të Italisë në Kosovë, përcjell Albinfo.ch.

“E njoftova Ambasadorin se Kosova është duke rritur kapacitetet për t’u ballafaquar me COVID-19. Kërkova që Italia të na ndihmojë duke na dërguar profesionistë shëndetësor, veçanërisht mjekë të reanimacionit, anesteziolog, që me përvojën e tyre të na mbështesin në këtë kohë të pandemisë”, ka shkruar ministri Zemaj në Facebook.