Cilat janë sëmundjet më shqetësuese, sipas zviceranëve

Keystone (AP Photo/Nathan Ellgren)

Mund të jetë e arsyeshme të supozojmë se njerëzit në Zvicër do të kishin më shumë frikë nga koronavirusi për shkak se ishte aq i lartë në axhendën e shëndetit këtë vit. Por një studim i ri zbuloi se nuk është kështu.

Sipas një studimi të porositur nga kompania e sigurimeve shëndetësore CSS, pandemia Covid-19 luan një rol të vogël në perceptimin e njerëzve për rreziqet shëndetësore.

Në fakt, vetëm 0.3 për qind e të pyeturve besojnë se koronavirusi është sëmundja më e rëndë që ata kanë njohur deri më tani, përcjell albinfo.ch.

Për shumicën dërrmuese, njohuritë e marra në lidhje me Covid-19 në një periudhë relativisht të shkurtër kohore kanë rritur besimin e njerëzve në shëndetin publik, si dhe perceptimin e tyre për qëndrueshmërinë personale.

Në përgjithësi, 38 për qind besojnë se pandemitë paraqesin një rrezik të rëndësishëm për shoqërinë.

Nga ana tjetër, për 61 përqind të të anketuarve, sëmundja mendore është gjendja mjekësore më e frikësuar sepse dihet shumë pak për këtë lloj sëmundjeje, përcjell tutje albinfo.ch.

Sfidat e tjera shëndetësore gjithashtu duket se janë më të rëndësishme për të anketuarit sesa Covid-19, 72 për qind thanë se rezistenca ndaj antibiotikëve paraqet një rrezik të madh, ndërsa 53 për qind shohin rrezikun më të madh në ndotjen e ujit të pijshëm me hormone ose pesticide.

Pra, për cilat sëmundje specifike është më e shqetësuar popullata e Zvicrës?

Përgjigjja varet nga grupmosha e të anketuarve.

Të rinjtë thanë se kanë më shumë frikë nga sëmundjet mendore, dëmtimet dhe infeksionet.

Për njerëzit e moshuar, sëmundjet kardiovaskulare, kanceri, çmenduria dhe sëmundjet e sistemit muskulor skeletik, si artriti dhe osteoporoza janë gjendjet më shqetësuese mjekësore.