Rreth 8 mijë kosovarë janë shëruar nga Covid në Kosovë

Komuna e Prishtines

Statistikat e fundit tregojnë se vetëm gjatë 24 orëve të fundit janë shëruar 122 pacientë, kurse që nga fillimi i pandemisë numri i të shëruarve ka shkuar në 7.684 persona, shkruan albinfo.ch.

Duhet theksuar se numri i rasteve aktive është 3.739, ndërkohë numri total i rasteve pozitive është 11.848 nga 45.397 persona të testuar për virusin SARS-CoV-2.

Vlen të cekët se gjatë 24 orëve të fundit, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 470 mostra të marra nga SHSKUK dhe gjurmimi i kontakteve të rasteve në terren, prej të cilëve rezultojnë 162 raste pozitive. Brenda 24 orëve janë raportuar 9 raste të vdekjes me SARS CoV-2 pozitiv. /Albinfo.ch