Danimarka e bën të detyrueshëm përdorimin e maskave në transportin publik

Keystone - Nick Fewings

Është bërë editor se Danimarka do të bëjë të detyrueshëm përdorimin e maskave mbrojtëse në gjithë transportin publik, tha sot kryeministrja daneze, Mette Frederiksen, përcjell albinfo.ch.

“Vendimi do të hyjë në fuqi nga 22 gushti”, tha ajo në një konferencë për shtyp.“Ne e bëjmë këtë pasi shkalla e infeksionit po rritet, ndërsa po rritet edhe aktiviteti në shoqëri”, vazhdoi Frederiksen, duke iu referuar rihapjes së vazhdueshme të Danimarkës. Kryeministrja theksoi se qeveria nuk e përjashton zgjerimin e vendimit në zona të tjera publike, siç janë supermarketet.

Benny Engelbrecht, ministër i Transportit, tha se masa do të zbatohej për të gjithë udhëtarët mbi moshën 12 vjeç, si edhe shoferët dhe punonjësit e tjerë të transportit publik. Danimarka ka regjistruar 621 vdekje të lidhura me koronavirusin dhe pothuajse 15 400 raste infektimi. /Albinfo.ch