Norvegjia po e mund koronavirusin, vetëm 200 raste aktive

Nga 9,208 raste të prekura, sa ishin në total, 8.752 persona janë shëruar plotësisht në Norvegji

Sipas autoriteteve shëndetësore, Norvegjia ka vetëm 200 raste aktive tani dhe se trajtimi i tyre po bëhet me shumë kujdes.

Të dhënat e fundit tregojnë se numri i të shëruarve në Norvegji është duke e arritur kulmin dhe zhdukjen e virusit, shkruan albinfo.ch.

Deri më tani është bërë testimi i 440,891 personave nën dyshimin se mund të jenë të prekur nga koronavirusi.

Informacionet e fundit tregojnë se deri tani ka pasur vetëm 9208 raste të konfirmuara, sipas raporteve norvegjeze – ndërsa 8752 njerëz janë konfirmuar se janë shëruar plotësisht nga virusi, shkruan albinfo.ch.

Nga ana tjetër, numri i vdekjeve për shkak të infektimit me Covid, ka arritur në 255 njerëz.

Duke qenë se shifra zyrtare, bazuar në numrin e personave që janë testuar, që në fillim ishin pozitivë në testin e bërë, dhe më pas janë rikuperuar, është ngritur, këtë e tregon edhe “Worldometers”, e cila publikon në kohë reale të dhëna nga koronavirusi.

Norvegjia dhe Danimarka janë dy shtete rekord me numrin e paktë të të prekurve dhe menaxhimit të mirë. /Albinfo.ch

---