Kosovari plagos tre persona në Austri

Sipas mediave austriake, është bërë e ditur se një shqiptar 31-vjeçar nga në Graz të Austrisë është përfshirë në një konflikt me armë, pasi një rumun e kishte “shikuar shtrembër” në një parking të një supermarketi, të mërkurën, transmeton albinfo.ch.

Gazeta online “österreich.at”, shkruan se pas “shikimit shtrembër” kishin vluar gjakrat. Sipas raportit të kësaj gazete thuhet se fillimisht 31-vjeçari e kishte kërcënuar rumunin (24-vjeçar) dhe një mik të tij çeçen (20-vjeçar) me një thikë. Sipas raportimit, pala më e re kishte ikur.

Ndërkohë kur rumuni dhe çeçeni ishin kthyer pak kohë më pas, u paraqit sërish kosovari – nga vetura e tij me një armë ende të paidentifikuar ai shkrepi, 20-vjeçari u qëllua me një plumb në kofshë, përcjell tutje albinfo.ch.

Sipas informacioneve, thuhet se si pasojë e të shtënave pësuan edhe të tjerë që qëlluan në vendin e ngjarjes. Dy kalimtarë dhe një dëshmitare tjetër ishin lënduar si pasojë e të shtënave, me një 82-vjeçare sllovene dhe një 22-vjeçare që u desh të shkonin në spital për trajtim.

Nga ana tjetër, policia e kishte kërkuar kosovarin në banesën e të dashurës në Graz, pasi aty dëshmitarët kishin parë targat e veturës. Kur kishte shkuar policia, ai kishte tentuar të ikte, por është kapur.

Hetimet po vazhdojnë, vazhdon tutje në raportim. /Albinfo.ch.