Lajme
Swiss u ofron pasagjerëve garancinë për kthim në raste urgjente
Garancia e fluturimit të kthimit vlen për të gjithë klientët, pavarësisht nga klasa e udhëtimit dhe nga çmimi i biletave të rezervuara
Kompania ajrore zvicerane Swiss ka vendosur që udhëtarëve të saj t`ua ofrojë një garanci për fluturimin e kthimit. Kjo garanci duhet të vlejë për të gjitha rrugët ajrore evropiane, shkruan srf.ch.
Kompania dëshironte që me këtë veprim t’u ofronte klientëve siguri shtesë gjatë periudhës së koronavirusit, transmeton albinfo.ch.
Garancia e fluturimit të kthimit vlen për të gjithë klientët, pavarësisht nga klasa e udhëtimit dhe nga çmimi i biletave të rezervuara. Në raste urgjente, ata do të fluturojnë përsëri në Zvicër ose Gjermani dhe Austri me kompanitë ajrore të Lufthansa Group, (ku bën pjesë dhe Swiss), thuhet në komunikatë.
Pasagjerët pra do të kthehen në Zvicër, Gjermani ose Austri me linjat ajrore të përmendura brenda 48 orëve.
Ky nuk është reagimi i vetëm i Swiss sa i përket koronavirusit. Janë duke u zgjeruar disa oferta në një “paketë të gjithanshme”, siç e quan Swiss, përcjell albinfo.ch. Në mënyrë të veçantë kjo vlen për rastet kur udhëtarët nuk lejohen të hyjnë në destinacion për shkak se u është konstatuar rritja e temperaturës trupore.
Po ashtu edhe në rast se në vendin e destinacionit, një pasagjeri i kërkohet të mbyllet në karantinë pas testit pozitiv të koronavirusit, sigurimi mbulon shpenzimet e karantinës ose transportit të kthimit për qëllime mjekësore.
Të ngjashme
Të tjera nga Lajme
E-Diaspora
-
Kandidati për eurodeputet me origjinë shqiptare, Muharrem Salihu, merr mbështetje në Itali Raporohet se ish-eurodeputetja Emma Bonino, kryetare e +Evropa, ka thënë se nuk përbën ndonjë habi mbështetja...
-
Vildane Rexhepi, menaxhere prokurimi në IT-në e bankës UBS
-
Muhamed Mustafi, ylli shqiptar në St. Gallen
-
Shqipëria, pjesë e paradës së karnavaleve në Berlin
-
Gazmend Zajmi, një ndër kolosët e pavarësisë
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?