Suedia, rekord të lartë ditor të rasteve me koronavirus

(KEYSTONE/Jean-Christophe Bott)

Suedia njoftoi ditën e enjte numrin më të lartë të të infektuarve me koronavirus, një rekord me 1,474 raste të reja, për të cilat autoritetet thanë se ishin për shkak të një rritjeje të vonuar në testime.

Sipas mediave të huaja, shifra e së enjtes çoi numrin e përgjithshëm të infeksioneve në 48.300, megjithëse Agjencia e Shëndetit Publik tha që numri i vdekjeve ishte në ngadalësim.

Rritja e rasteve të reja “është një pasojë e drejtpërdrejtë e rritjes së testimit në rajone dhe kapjes së rasteve me simptoma të buta”, tha kreu i mikrobiologjisë në agjenci, Karin Tegmark-Wisell, në një konferencë shtypi. Agjencia raportoi 19 vdekje të reja të enjten, duke e çuar numrin e përgjithshëm në në 4,814, shumë herë më të lartë për banorë sesa në vendet fqinje, përcjell albinfo.ch.